السلام عليكم
جيت ابحكي جيت ابشرح جيت اقول
حبك ابلغ مـن كلامـي والقصيـد
جيت ابرهن كلمتي جيتـك جفـول
من زماني من عنا وقـت ٍ شديـد
وقلبي اللي بيـن كفيـن محمـول
جايبه لك لجـل تاخـذ مـا تريـد
جيت قبل الـورد يطويـه الذبـول
قبل ينشف ريـق ويجـف الوريـد
المشاعـر كلهـا فينـي سـيـول
حبـك المنبـع ومغنـاه البعـيـد
والهـوا ميـدان والدنيـا حمـول
والضحايـا وسـط ميدانـه تزيـد
والحياة اجهـاد والساعـه تطـول
والفرح اقصر ولـو وقتـه مديـد
جيت اقلب قصتي عـرض وطـول
لجل ترحـم مـن بهالدنيـا لهيـد
تدري انـي ماعشقتـك بالسهـول
ولا كسبتك الا مـن جهـد ٍ جهيـد
طبعي اني اعشق الريـم الجفـول
لجل اعسفه كيف بالطبـع العنيـد
يوم صرت احساس قلبك والميـول
صرت لك قلب ٍ على حبـك يشيـد
تضحيه ضحيت وش تبغـا اقـول
هو به اكثر تضحيه من شان ازيد؟
الأربعاء أكتوبر 24, 2007 4:51 am
